اسكندريه تانى

انا جيى ومعايه كلمات جميله وفى نفس الوقت مدحكه dr-sam


اسكندرية تانى
و اه من العشق يانى
و الرمل الزعفرانى
عالشط الكهرمانى
و السحر اللى احتويته
و البحر اللى احتوانى
و البحر ابو الف موجة
و الموجة بألف حالة
و انا المغرم صبابا باسكندرية يابا
و فكرة كونى انسى فى حكم الاستحالة
عشقت بحرك و غرقت فيكى
و صبحت عندك فى العشق حالة
و سمعت منك و عشقت فيكى
و عجبنى قربك على اى حالة
و عاشرت فيكى الخواجة ينى
اجريجى لكن مصراوى جنى
اسكندرانى عاشق اغانى
جعان يغنى شبعان يغنى
و يبات فى حالة
يصبح فى حالة
و كونه ينسى دى الاستحالة
و سمعت صوت النديم نسايم
عالبحر صابحة و البحر هايم
و سمعت سيد بيقول يا مصرى
الدنيا صاحية ليه انت نايم
و لما عاند و خانى عصرى
لا شد ضهرى ولا خد بنصرى
بنيت فى حضنك عالرمل قصرى
و فتحت عالبحر حضن مصرى
ادى القضية وادى الرسالة
و كونى انسى دى الاستحالة